Kuvendi komunal i Prizrenit, këtë të premte do të mbajë mbledhje të jashtëzakonshme ku do të ketë sqarime lidhur me tërheqjen e një shume të mjeteve financiare të buxhetit të Prizrenit nga ministria e Financave të Komunës së Prizrenit, raporton TV Prizrenit.
Në bazë të nenit 44 paragrafit 1 dhe 2, lidhur me nenin 43 paragrafit 1, të Ligjit për Vetëqeverisjen Lokale dhe nenit 30, paragrafit 1 dhe 2, të Statutit të Komunës së Prizrenit, kryesuesi i Kuvendit Komunal thërret Mbledhjen e Jashtëzakonshme të Kuvendit të Komunës, e cila do të mbahet më 30 tetor 2020 (e premte), në Sallën për mbledhjet e Kuvendit të Komunës së Prizrenit, tek “Shtëpia e Bardhë”, duke filluar në orën 10:00.
