Kryeministri në detyrë i Kosovës, Albin Kurti, ka vizituar Shtëpinë Muze të profesor Ukshin Hotit në Krushë të Madhe, me rastin e 27-vjetorit të zhdukjes së tij. Në këtë vizitë, Kurti ishte i shoqëruar nga ministri në detyrë Andin Hoti.
Gjatë qëndrimit në vendlindjen e profesor Hotit, Kurti e cilësoi atë si një nga mendjet më të ndritura shqiptare, duke theksuar se teoritë e tij politike kanë vlerë universale dhe vazhdojnë të mbeten të rëndësishme edhe sot.
