Kryeministri i Kosovës, Albin Kurti mirëpriti në takim kryetaren e sapo zgjedhur të Komunës së Preshevës, Ardita Sinani.
Në këtë takim, ai e uroi për formimin e koalicionit me Partinë Demokratike Shqiptare të drejtuar nga Ragmi Mustafa dhe për detyrën e re si kryetare e komunës.
“Kryeministri Kurti i ofroi mbështetje në realizimin e programit qeverisës dhe shprehu gatishmërinë e tij dhe të qeverisë për bashkëpunim të afërt institucional në shërbim të Preshevës dhe qytetarëve atje pa dallim”, thuhet në njoftimin e bërë nga zyra e kryeministrit.
