Kryeministri Albin Kurti, para takimit me kryetarin e Lidhjes Demokratike të Kosovës (LDK), Lumir Abdixhiku ka thënë se për president duhet të jetë një kandidat ose kandidate që i siguron 80 vota në sallën e Kuvendit.
“Po i vazhdojmë përpjekjet për të përmbyllur me sukses edhe sfidën e zgjedhjes së presidentit. Na duhet kandidati apo kandidatja që siguron 80 vota në sallë. Pas takimit me kryetarin e PDK-së Bedri Hamzën, po takohemi edhe me kryetarin e LDK-së. Gjithçka brenda fare pak ditësh do të merret vesh”- tha Kurti.
