Kryeministri Kurti mirëpriti Kryetarin e Bashkësisë Islame të Bosnje dhe Hercegovinës, Husein Kavazovië.
Kryeministri në detyrë, Albin Kurti ka mirëpritur sot kryetarin e Bashkësisë Islame të Bosnje e Hercegovinës, Husein Kavazoviq.
Bëhet e ditur se temë e diskutimit ishte thellimi i bashkëpunimit ndërmjet të dyja vendeve.
“Aty u përmend dhe vendimi i Qeverisë së Kosovës për heqjen e njëanshme të vizave për qytetarët e Bosnje dhe Hercegovinës duke e mundësuar udhëtimin e tyre drejt Kosovës vetëm me letërnjoftim biometrik, sipas marrëveshjes për lëvizje të lirë nga Procesi i Berlinit”, thuhet ndër tjera.
Kurti ndër tjera veçoi rezultatet dhe politikat e Qeverisë në mbështetje sociale, përfshirë ndihmën për gratë, lehonat dhe fëmijët, si dhe në edukim dhe shëndetësi.
“Ai gjithashtu informoi myftiun Kavazoviq rreth projekteve restauruese të shumë objekteve kulturore islame, duke përfshirë xhamitë dhe objekte të tjera fetare, si dhe për investimet e vazhdueshme në mbrojtje të trashëgimisë kulturore të Kosovës”, thuhet në komunikatë.