Kryeministri i Republikës së Kosovës, Albin Kurti, po merr pjesë në konferencën ‘Balkan Dialogues Initative’.
Kurti gjatë fjalës së tij ka thënë se është koha që Bashkimi Evropian të ndryshojë qasjen ndaj Ballkanit Perëndimor.
“Ka ardhur koha për Bashkimin Evropian që ta ndryshojë qasjen ndaj rajonit. Fondet e BE-së duhet të ndërlidhen me vlerat evropiane”, tha ai.
Më tej shefi i ekzekutivitit ka folur edhe për marrëveshjet e arritura në Procesin e Berlinit.
“Kur bëhet fjalë për bashkëpunim rajonal, ne kemi ratifikuar tri marrëveshjet nga Procesi i Berlinit”, tha Kurti.
Teksa foli për dialogun me Serbinë, Kurti tha se Kosova është pala konstruktive dhe kreative.
“Sa i përket dialogut me Serbinë, ne jemi konstruktiv dhe kreativ në këtë proces. Ne besojmë se marrëveshja bazë e arritur është një hap i rëndësishëm”, tha i pari i Qeverisë.