Me rastin e fillimit të vitit të ri shkollor, kryetari i komunës së Prizrenit, Shaqir Totaj, ka uruar nxënësit dhe mësimdhënësit, duke theksuar që komuna do të vazhdojë të investojë në përmirësimin e kushteve sa më të mira në arsim.
“Fillimi i vitit të ri shkollor është gjithmonë moment i veçantë, që simbolizon një hap para në rrugën e dijes dhe zhvillimit personal. Komuna e Prizrenit do të vazhdojë të investojë në përmirësimin e infrastrukturës arsimore dhe në ofrimin e kushteve sa më të mira për nxënësit dhe stafin mësimor”, ka shkruar Totaj në postimin e tij.
