Krivaqa e Sejdiu dalin para Gjykatës së Apelit

Dardan Krivaqa dhe Arbër Sejdiu sot kanë dalë para Gjykatës së Apelit, në seacnë që po mbahet pas ankesës së palëve për aktvendimin e shkallës së parë, me të cilin Krivaqa është dënuar me burgim të përjetshëm për vrasjen e 18-vjeqares Marigona Osmani, ndërkohë që Sejdiu është dënuar me 15 vjet burgim për ndihmë në kryerjen e vrasjes së rëndë.

Të enjten në seancën e Apelit kryetari i trupit gjykues Xhevdet Abazi u ka kërkuar mediave të dalin nga salla e gjyqit meqë sipas tij, rasti ka të bëjë me çështje të ndjeshme të integritetit seksual.

Pas dënimit të Krivaqës e Sjediut nga shkalla e parë, në gusht të vitit të kaluar, familjarët e Osmanit e kishin përshëndetën dënimin për Krivaqën, por kishin paralajmëruar se do ta apelojnë vendimin që e kualifikuan si të ulët, që iu shqiptua Sejdiut.

Dy të akuzuarit ishin liruar nga akuza për dhunim, pasi gjykata nuk ka arritur që ta konstatojë dhunimin me asnjë provë.

Në aktgjykimin e Themelores theksua se Krivaqa, më 21 e 22 gusht të vitit 2021, për motive të xhelozisë e me vetëdije, ka ushtruar dhunë ekstreme ndaj së ndjerës Osmani, me të cilën po bashkëjetonte në banesën e tij. Dhe se për dy ditë radhazi, ai me një shkop druri e kishte goditur viktimën vazhdimisht në pjesë të ndryshme të trupit, duke i shkaktuar dhimbje të mëdha fizike e psikike, të cilat është konstatuar se ia kanë shkaktuar vdekjen.

Krivaqa e Sejdiu dalin para Gjykatës së Apelit

Të tjera nga rubrika

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve

Nënshkruhen kontratat, 250 studentë në Prizren përfitojnë bursa nga 700 euro