Kreu i Organizatës së Kombeve të Bashkuara, Tedros Adhanom Ghebreyesus, ka thënë sepandemia e COVID-19 nuk do të jetë e fundit që do të kalojmë.
Teksa ka mbajtur një fjalim virtual në Ditën Ndërkombëtare të Gatishmërisë për Epideminë, ai ka thënë ndër të tjera se pasojat që ka lënë pandemia shkojnë përtej sëmundjes.
“Në 12 muajt e fundit, bota jonë është kthyer përmbys. Ndikimet e pandemisë shkojnë shumë përtej vetë sëmundjes, me pasoja të mëdha për shoqëritë dhe ekonomitë. Historia na tregon se kjo nuk do të jetë pandemia e fundit” tha kreu i OBSH-së.
Ndër të tjera, nisur nga situata e vështirë me të cilën po përballet bota, Ghebreyesus ka paralajmëruar të gjithë vendet që të investojnë në kapacitete për të parandaluar, zbuluar dhe zbutur emergjencat e të gjitha llojeve, edhe nëse do të jetë një tjetër pandemi globale qe do të na godas.
Aktualisht numri total i rasteve të infektimeve nga koronavirusi ka arritur 81,150,518, ndërkohë që numri i viktimave është 1,772,114 në të gjithë botën që nga fillimi i pandemisë.