Komisioni Qendror i Zgjedhjeve ka njoftuar se deri në orën 10:00 të së premtes, janë verifikuar: 1903 vendvotime nga zgjedhjet për Kryetarë të Komunave dhe 1882 vendvotime për subjektet politike nga zgjedhjet për Kuvende Komunale.
Po ashtu, nga po këto 1882 vendvotime, janë numëruar votat e kandidatëve për Kuvendet Komunale.
Sipas KQZ-së, nga 5142 kuti votimi që i takojnë dy llojeve të zgjedhjeve, janë procesuar 3785.
Deri tani (e premte, ora 10:00), aktivitetet në QKN janë përmbyllur në 24 komuna: Hani i Elezit, Junik, Mamushë, Zveçan, Mitrovicë e Veriut, Zubin Potok, Deçan, Shtime, Klinë, Shtërpcë, Obiliq, Istog, Skenderaj, Viti, Rahovec, Suharekë, Dragash, Kaçanik, Lipjan, Fushë Kosovë, Ferizaj, Kamenicë, Drenas dhe Vushtrri.
Në QKN zhvillohen 3 aktivitete kryesore:
• Verifikimi i rezultateve nga zgjedhjet për Kryetarë të Komunave
• Verifikimi i rezultateve të subjekteve politike
• Numërimi i votave të kandidatëve për Kuvendet Komunale
Rezultatet po publikohen në platformën e KQZ-së: https://resultslocal2025.kqz-ks.org/
Rezultatet nga QKN-të po prezantohen vendvotim pas vendvotimi.