Kosova ka mbi 7 mijë e 200 raste aktive me koronavirus

Sipas të dhënave të fundit të Institutit Kombëtar të Shëndetësisë Publike të Kosovës (IKShPK), vetëm në Prishtinë janë 3 mijë e 214 raste aktive me këtë infeksion, duke qenë kështu komuna me më së shumti të infektuar aktualisht, e pasuar nga Mitrovica me 611 raste aktive, ndërsa Peja aktualisht ka të regjistruar 372 raste aktive me koronavirus.

Vetëm gjatë ditës së djeshme u regjistruar 2,500 raste të reja me infektime në vendin tonë, gjë që ka alarmuar organet udhëheqëse dhe bëri që sot të mblidhet komiteti ndërministror për t’i shqyrtuar masat e reja antiCOVID.