Federata e Basketbollit të Kosovës ka njoftuar se gjatë disa ndeshjeve është vërejtur mosrespektim i ligjeve në fuqi sa i përket konsumimit të duhanit, përfshirë cigaret elektronike ‘vape’, si dhe pijeve alkoolike brenda palestrave sportive.
Federata ka rikujtuar se sipas ligjeve në fuqi, në të gjitha hapësirat e brendshme të palestrave sportive ndalohet rreptësisht: konsumimi i duhanit, përfshirë cigaret elektronike apo ‘vape’, si dhe futja, konsumimi dhe shitja e pijeve alkoolike.
