Policia e Kosovës ka njoftuar se gjatë një operacioni të premten ka konfiskuar armë, municion, eksplozivë e uniforma ushtarake në një fshat të Leposaviqit.

Lidhur me këtë rast, Policia ka bërë të ditur se do të ketë konferencë për media në orën 18:00 ku do të shpalosen detaje të tjera.

Sipas njoftimit të Policisë, në konferencë do të jetë i pranishëm ministri i Brendshëm, Xhelal Sveçla, drejtori i Policisë, Gazmend Hoxha dhe zëvendësdrejtori i Policisë për Mitrovicën e Veriut, Veton Elshani.