Komisioni Europian ka paraqitur një rekomandim, ku kërkohet që udhëtarët të cilët janë të vaksinuar plotësisht kundër COVID-19, të përjashtohen nga testimet dhe karantina, përderisa lëvizin në vendet e Bashkimit Europian.
Ky rekomandim vjen ndërsa blloku përgatitet të hapë pasazhin e tij të parë të udhëtimit në të gjithë BE-në për të lehtësuar lëvizjen ndërkufitare gjatë pandemisë, shkruan Euronews, përcjell klankosova.tv
Nëse miratohet nga vendet e BE-së, rregullat e reja do të parashohin që njerëzit që kanë marrë dozën e dytë të vaksinën gjatë 14 ditëve të fundit, të mos kenë nevojë për masa kufizuese. E njëjta do të vlente edhe për personat të cilët janë shëruar nga COVID-19 në 180 ditët e fundit.
Ndërkaq për rregullat sa i përket udhëtarëve që janë vaksinuar pjesërisht, do të varet nga vendet veç e veç. Certifikatat e vaksinimit duhet të jenë në përputhje me dispozitat e Certifikatës Dixhitale të BE-së COVID, emri zyrtar për lejen e udhëtimit.
Për më tepër, udhëtarët me një test të vlefshëm COVID-19 nuk duhet t’i nënshtrohen karantinës. Komisioni Europian propozon dy periudha të standardizuara të vlefshmërisë: 72 orë për testet PCR dhe 48 orë për testet e shpejta të antigjenit. Jo çdo shtet anëtar pranon analiza të antigjenit.
Fëmijët që udhëtojnë me prindërit e tyre duhet të përjashtohen nga karantina kur prindërit gjithashtu irohen nga procedura, shtoi Komisioni Europian. Fëmijët nën moshën gjashtë vjeç nuk duhet t’i nënshtrohen testimit.
