Kryetari i Lëvizjes Vetëvendosje, Albin Kurti, ka falënderuar qytetarët për mbështetjen dhe pjesëmarrjen në zgjedhjet e jashtëzakonshme parlamentare, ndërsa procesi i numërimit të votave ende po vazhdon.
Përmes një postimi, Kurti ka thënë se gjatë dhjetë ditëve të fushatës janë zhvilluar mijëra aktivitete, tubime dhe takime në të gjithë territorin e Kosovës.
Ai ka shprehur mirënjohje për qytetarët që, sipas tij, i kanë pritur krahëhapur dhe kanë ndarë përvojat dhe nevojat e tyre për zhvillimin e mëtejmë të vendit.
