Një incident i rëndë ka ndodhur në rrugën ‘William Walker’ në Prizren, ku fillimisht u dyshua se një shofer i kamionit, nga pakujdesia kishte goditur një biçiklist.

Burimet bëjnë të ditur se dyshohej se pas aksidentit vozitësi i kamionit nuk e ka vërejtur biçiklistin e lënduar, duke vazhduar kështu drejtimin e tij për në qendër të qytetit.

Por pas hetimeve të zhvilluara, ku janë marrë edhe pamjet nga kamerat e sigurisë që monitorojnë atë zonë, është parë se drejtuesi i biçikletës nga vozitja e pakujdesshme është rrëzuar vetë, duke rënë afër kamionit.

Sipas burimeve, më pas kamioni me gomën e pasme të anës së djathtë ka shkelur krahun e biçiklistit të rrëzuar.

Si pasojë e aksidentit, drejtuesi i biçikletës ka pësuar lëndime të rënda me ç’rast është dërguar në spitalin e Prizrenit për të marrë tretman mjekësor.

Sinjali mëson nga burimet brenda spitalit se viktima ka pësuar frakturë në krahun e majtë dhe është ndaluar për trajtim mjekësor në spital.