Zyra për informim e Drejtorisë Rajonale të Policisë në Prizren, përmes një komunikate për media, njofton se, me datë 11 nëntor 2020 rreth orës 13:30, dy persona të dyshuar A.T i lindur në vitin 2000 dhe Z.M i lindur në vitin 2001 në bashkëkryerje duke vepruar me forcë i kanë vjedhur një varëse ( zingjirë ari) nga viktima duke ja këputur në menyrë të vrazhdë nga qafa dhe të njëjtit largohen në drejtim të pa ditur në atë kohe.
Si rezultat i një aktiviteti të organizuar taktiko- operativ policor, sot me datë 23 shkurt 2021, njësia e hetimeve në Prizren ka arritur që të identifikoj dhe të arrestoj të dyshuarit e lartëpërmendur, po ashtu është identifikuar edhe vendi ku është shitur varësja e qafës (zingjir ari) i marrë nga viktima me dhunë.
