Kryetari në detyrë i PDK-së, thotë se partia e tij do inicojë të premten seancë të jashtëzakonshme për ligjin për Rimëkëmbje Ekonomike.Ai ka treguar edhe për katër ndryshimet që PDK i ka bërë këtij ligji, përcjellë Gazeta Blic.“PDK do inicojë një seancë të jashtëzakonshme për ligjin për Rimëkëmbjen Ekonomike, të premten. Presim që ky ligj të votohet edhe nga partitë e tjera.
Propozimet e PDK-së u amandamentuan në Komisionin për Buxhet dhe Financa. 1. Duhet fond i veçantë që u mundëson firmave të paguajnë personat që kanë humbur punën, shuma është diku rreth 300 euro në muaj, për muajt shtator, tetor e nëntor. Sipas kalulimeve tona duhet të përfitojnë rreth 30 mijë persona. 2. Duhet fund prej 200 milionëve që ndihmon mbi 50 mijë biznese.
Mënyra e shpërndarjes së granteve do të bëhet përmes një komisioni me kritere. 3. Propozimi është që mjetet e 10% të trutit duhet të kompenzohen, që personat t’i kenë në pleqëri atë buxhet. 4. Duhet të eliminohet TVSH për lëndën e parë që prodhohet në Kosovë. Këto pika tani janë pjesë e Ligjit për Rimëkëmbje Ekonomike. Shuma që jetë në dispozocion të qytetarëve e sektorit privat do jetë diku 400 milionë euro, që besojmë se do të shpëtojë ekonominë”, deklaroi Hoxhaj.