Me rastin e 27-vjetorit të rënies së dëshmorëve dhe martirëve në “Lagje të Re” dhe në Rakoc të Kaçanikut, kryeparlamentarja dhe U.D presidentja e Kosovës, Albulena Haxhiu, i ka përkujtuar ata.
Haxhiu ka thënë se më 09.04.1999, u shënua një nga ditët më të rënda të luftës së Kosovës, ku ranë 28 dëshmorë dhe 32 martirë.
“Në mesin e tyre kishte burra dhe gra, por edhe djem dhe vajza të reja, që nuk zgjodhën të tërhiqen përballë dhunës, por të qëndrojnë. Emra si Lumnije Raka, Jehona Raka, Emsale Frangu dhe Mukadeze Muhaxheri-Lika mbeten dëshmi se sakrifica për liri nuk ka qenë kurrë e njëanshme, por e përbashkët, e barabartë dhe e pakushtëzuar” – ka shkruar Haxhiu në Facebook.
