Ministrja e Drejtësisë, Albulena Haxhiu ka reaguar lidhur me operacionin e sotëm “Pika” ku në shënjestër ishin disa zyrtarë policorë dhe doganorë, që dyshohen për veprat penale “marrje të ryshfetit” dhe “keqpërdorim të detyrës zyrtare”.
Haxhiu ka thënë se ende kemi sfida mirëpo kemi vullnetin e hekurt për ta bërë vendin e jetueshëm për qytetarët.
Aksioni kundër korrupsionit në Gjakovë e Prizren – një vit hetim nga ana e IPK në të cilin u përfshinë AKI, Dogana dhe Policia
“Në të kaluarën institucioneve të sigurisë dhe drejtësisë nuk i janë lënë duart e lira për veprim. Në shumë raste ekzekutivi ka qenë pengesa kryesore në luftën ndaj krimit të organizuar dhe korrupsionit. Sot, kemi ende sfida mirëpo kemi vullnetin e hekurt për ta bërë vendin e jetueshëm për qytetarët”, ka shkruar Haxhiu në Facebook.
