Luftëtar shqiptar i boksit pa doreza (BKFC) Gzim Selmani, i njohur me nofkën “The Albanian Psycho”, do të ngjitet sonte në ring në Glasgow të Skocisë, ku do të përballet me britanikun Reece Heer në kuadër të eventit BKFC 96.
Sipas kalendarit zyrtar të organizatorëve, përballja zhvillohet në kategorinë e rëndë (Heavyweight), në palestrën “OVO Hydro”, ku BKFC organizon për herë të parë një event në Skoci.
Selmani vjen në këtë përballje pas debutimit të suksesshëm në BKFC, më 14 mars të këtij viti, kur mposhti Daniel Curtinin me ndërprerje në raundin e dytë. Ai ka bilanc prej një fitoreje dhe asnjë humbjeje në këtë organizatë.
