Anëtari i Kuvendit të Komunës së Prizrenit dhe njëherësh kryetari i SHKA-së “Malësori”, Haziz Hodaj, ka shprehur ngushëllime për familjen e Gent Hodajt, 22-vjeçarit që humbi jetën pasditen e së premtes në një aksident me motoçikletë me katër rrota (ATV), në fshatin Gjonaj të Prizrenit.
Përmes një reagimi, Hodaj ka shprehur dhimbjen për këtë humbje, duke theksuar se brenda një jave dy të rinj kanë humbur jetën tragjikisht në Gjonaj, në aksidente me motoçikleta.
“Brenda një jave, dy jetë të të rinjve u shuan tragjikisht në Gjonaj, si pasojë e aksidenteve me motoçikleta. Dy familje u goditën nga dhimbja më e madhe që mund të përjetojë një prind: humbjen e më të dashurve të tyre.
