Disa aktivistë të grupit “Asnjë cent më shumë” po protestojnë edhe sot tek zyrat e ZRRE-së, por pa penguar hyrjen e punëtorëve të këtij institucioni në zyrë, raporton KosovaPress.
Kjo formë e protestës po zhvillohet si shprehje e pakënaqësisë ndaj rritjes së tarifave të rrymës prej 15 për qind.
Megjithatë, tek zyret e Zyrës së Rregullatorit të Energjisë (ZRRE) shihet nje prezence e madhe e pjesëtarëve policor.
Aksionet simbolike nga “Asnjë cent më shumë” po ndodhin pas paralajëmrimeve për shtrenjtim të energjisë elektrike për 15%.
Dje gjatë një aksioni simbolik të grupit “Asnjë cent me shumë” tek zyrat e ZRRE-së për kundërshtimin e shtrenjtimit të rrymës, ishin arrestuar 12 aktivitë të këtij grupi, ku më pas u konfirmua edhe lirimi i tyre nga policia, raporton KosovaPress.
Paralajmërimi për rritjen e çmimit të rrymës, ka ngjallur reagime të mëdha dhe pakënaqësi te qytetarët dhe bizneset. Këtë shtrenjtim e ka kund dhe presidenca, por deri tash Qeveria e Kosovës nuk ka kundërshtuar shtrenjtimin, përvec që ka kërkuar shtimin e numrit të blloqeve për konsumatorë.
Për shkak të pakënaqësive, më 5 prill është paralajmëruar edhe një protestë në Prishtinë./KP/