Gjykata Themelore në Prizren ka aprovuar kërkesën e Prokurorisë për caktimin e masës së sigurisë ndaj të miturit, A.G., i cili dyshohet se ka therur me thikë një person, raporton Gazeta Sinjali.
Sinjali mëson se Gjykata i ka caktuar atij masën e paraburgimit në kohëzgjatje prej 30 ditësh.
Siç merr vesh Sinjali, viktima që pësoi lëndime nga goditja me thikë është jashtë rrezikut për jetë dhe i njëjti po trajtohet në QKUK.
Ndërkohë nga Policia kanë dhënë detaje lidhur me rastin.
“Me date 07.10.2023 rreth orës 23:00 Viktima M/Sh/K kishte shkuar ne shtëpinë e te dyshuarit M/SH/K, me te cilin pas një mosmarrëveshje verbale rreth disa te hollave, janë fjalosur dhe përleshur ne mes vete, ku i dyshuari (i mitur i moshes 17 vjeqare) e kishte sulmuar viktimën me një mjet te mprehtë ( thike ) dhe si pasoj viktima kishte marrë lëndime ne qafe. Viktimës i është ofruar ndihma mjekësore dhe hospitalizohet ne Spital shkaku i lëndimeve.”, kanë thënë nga Policia mbrëmë për Sinjalin.
Klikoni KËTU për tu bërë pjesë e kanalit të TV Prizreni në Youtube.
