Gjimnazi “Gjon Buzuku” në Prizren ka shënuar një hap të ri drejt ndërkombëtarizimit, pasi drejtoresha e shkollës ka nënshkruar Protokollet e Bashkëpunimit Ndërkombëtar me dy institucione arsimore nga Turqia, Gemlik Fen Lisesi dhe Başarı Net Koleji.
Sipas njoftimit të publikuar nga faqja zyrtare e shkollës, ky partneritet synon zgjerimin e mundësive akademike, kulturore dhe profesionale për nxënësit dhe stafin.
Përmes këtij bashkëpunimi parashihet zhvillimi i miqësisë dhe mirëkuptimit ndërkulturor, organizimi i vizitave edukative e kulturore, si dhe shkëmbimi i përvojave dhe praktikave më të mira në mësimdhënie.
Nga Gjimnazi “Gjon Buzuku” theksohet se ky sukses dëshmon përkushtimin e vazhdueshëm për arsim modern, cilësor dhe të orientuar drejt perspektivës ndërkombëtare.
Klikoni KËTU për tu bërë pjesë e kanalit të TV Prizreni në Youtube.
