Gjendja e njërit nga të lënduarit në Prizren është shumë e rëndë. Ai është dërguar në sallën operative, ka njoftuar për KOHËN mjeku kujdestar në QKUK, Agron Çitaku.
Dy persona u lënduan të martën mbrëma nga shpërthimi i fishekzjarrëve në një pikë shitjeje në Prizren. Një nga të lënduarit është trajtuar në Spitalin e Prizrenit dhe është liruar, ndërsa një tjetër ka marrë lëndime të rënda dhe është dërguar për trajtim në QKUK.
Zjarri dëmtoi edhe disa vetura të parkuara në afërsi dhe lokalet e ndërtesat përreth. Zjarrfikësit kanë arritur ta shuajnë zjarrin.
