Një 55-vjeçar është gjetur pa shenja jete të dielën në hapësirat e Parkut Inovativ në Prizren.
Shaqir Bytyqi, zëdhënës i Policisë rajonale të Prizrenit, ka njoftuar për KOHËN se viktima ishte punonjës në Parkun Inovativ.
Gjendet pa shenja jete një punonjës në Parkun Inovativ në Prizren
“Rreth orës 13:35, Policia e Kosovës ka pranuar informatën se në hapësirat e ‘Parkut Inovativ’, që ndodhet në ish-kazermën ushtarake në Prizren, është gjetur pa shenja jete një person ( B.B.) i gjinisë mashkullore, rreth 55 vjeç. Sipas informatave fillestare, i ndjeri kishte qenë punonjës në atë park. Njësitet përkatëse policore kanë dalë menjëherë në vendin e ngjarjes, ku kanë kryer ekzaminimin e vendit, mbledhjen e provave materiale dhe marrjen e deklaratave nga dëshmitarët”, ka njoftuar Bytyqi.
Me urdhër të prokurorit të shtetit, trupi i pajetë është dërguar për obduksion në Institutin e Mjekësisë Ligjore në Prishtinë për të përcaktuar shkaktarin e vdekjes.
“Policia e Kosovës ka iniciuar rastin si ‘Hetim i vdekjes’ dhe është duke ndërmarrë të gjitha veprimet hetimore për zbardhjen e plotë të rrethanave të ngjarjes”, tha Bytyqi.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Tre vjet nga rënia e Afrim Bunjakut, 11 policë nderohen me Medalje për Shpëtim Jete
Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie
Komisioni për Komunitete viziton shkollat e Prizrenit për të vlerësuar nevojat e nxënësve
