Deputetja e Partisë Demokratike të Kosovës, Ganimete Musliu e ka publikuar një fotografi me deputetët e kësaj partie, Xhavit Haliti, Elmi Reçica e Bajrush Xhemajli.
Tek fotografia e publikuar, ajo ka shkruar “Kandidati/ja për Kryetar”, por asnjë detaj më tepër.
Kjo vetëm pak ditë pasi PDK-ja ka marrë vendim që me 3 korrik t’i mbajë zgjedhjet e brendshme për ta zgjedhur kryetarin e ri.
Enver Hoxhaj, që deri tani e ka ushtruar detyrën e Kryetarit, dje dha dorëheqje nga kjo pozitë në PDK.
Deri më tani nuk ka asnjë shpallje zyrtare të kandidaturave.
Ndërkohë, ish-ambasadorja e Kosovës në SHBA, Vlora Çitaku, ka thënë se nuk do të kandidojë për ta marrë drejtimin e partisë, pjesë e së cilës nuk ishte aktivisht për një kohë.
Klikoni KËTU për tu bërë pjesë e kanalit të TV Prizreni në Youtube.
