Sot, në të gjithë territorin e Republikës së Kosovës ka filluar realizimi i Projektit të Aerofotografimit.
Rilevimi Aerofotogrametrik i territorit të Republikës së Kosovës është duke u zhvilluar nga Agjencia Kadastrale e Kosovës.
Lajmin për projektin e sapo filluar e ka konfirmuar Ministri i Mjedisit, Planifikimit Hapësinor dhe Infrastrukturës, Liburn Aliu përmes një postimi në rrjetin social Facebook.
Aliu ka bërë të ditur se sot ka vizituar Aeroportin e Prishtinës për të parë nga afër procesin e fillimit të fluturimit nga kompania e kontraktuar për të realizuar këtë projekt.
Ky projekt parashikohet që në Kosovë të realizohet çdo 3-5 vite derisa për këtë vit pritet që të përfundojë në shtator të këtij viti.
