Shoqata e Biznesmenëve “ESNAF” ka zhvilluar mbledhjen e parë të Bordit Drejtues pas përfundimit të sezonit veror, ku morën pjesë shumica e anëtarëve të Bordit.
Sipas njoftimit të Shoqatës, gjatë takimit janë diskutuar aktivitetet e ardhshme, nevojat dhe kërkesat e anëtarësisë, projektet e planifikuara, si dhe angazhimet institucionale për periudhën e ardhshme.
Një vëmendje e veçantë i është kushtuar organizimit të një takimi të përbashkët me të gjithë anëtarët e Shoqatës, i cili pritet të mbahet deri në fund të këtij viti.
Ky takim, sipas ESNAF-it, synon forcimin e bashkëpunimit, dëgjimin e drejtpërdrejtë të nevojave të komunitetit të biznesit dhe zejtarëve, si dhe përcaktimin e prioriteteve për periudhën në vijim.
Shoqata “ESNAF” ka theksuar se mbetet e përkushtuar në përfaqësimin, mbështetjen dhe fuqizimin e komunitetit të biznesit dhe zejtarëve.
Klikoni KËTU për tu bërë pjesë e kanalit të TV Prizreni në Youtube.
