Ndërmarrja Ekoregjioni ka reaguar ndaj, siç i quan, spekulimeve të fundit që po qarkullojnë në disa media lidhur me pretendimet se kryeshefi ekzekutiv i saj ndodhet në arrati.
Sipas reagimit për opinionin publik, kryeshefi ekzekutiv i Ekoregjionit, Burim Shala, që nga dita e shtunë ndodhet në Itali për arsye thjesht familjare, dhe kjo vizitë nuk ka asnjë lidhje me pretendimet për shmangie nga përgjegjësia apo drejtësia.
Nga Ekoregjioni bëhet e ditur se Shala prej disa ditësh ndodhet jashtë Kosovës dhe se kjo ka qenë e njohur edhe më herët. Po ashtu, ndërmarrja njofton se kryeshefi ekzekutiv pritet të kthehet në Kosovë brenda kësaj jave.
