Dyshimet për keqpërdorim të parave, BIK thërret konferencë për media

Pas dyshimeve për keqpërdorime e qindra mijëra eurove të Këshillit të Bashkësisë Islame në Prishtinë, BIK ka njoftuar se sot do të mbajë konferencë për media.

Konferenca do të mbahet sot në zyret e Këshillit të Bashkësisë Islame në Prishtinë, duke filluar nga ora 11:00.

“Për hir të njoftimit të besimtarëve, që nga Bashkësia Islame nuk ka asnjë keqpërdorim por luftim të veprimeve të kundërligjshme, përmes kësaj Thirrje për Media nga KBI dëshirojmë të adresojmë publikisht disa lajme, njoftime, keqpërdorim te Besimit, lajthitje dhe keqinformime që kanë dalë nga ish-arkëtari i BR”, thuhet në njoftimin e BIK.