Kryetari i Degës së Lidhjes Demokratike të Kosovës (LDK) në Prizren, Driton Selmanaj, ka bërë të ditur se ditë më parë i është nënshtruar një ndërhyrjeje kirurgjikale në boshtin kurrizor, pas problemeve shëndetësore që e kishin shoqëruar gjatë javëve të fundit.
Përmes një njoftimi, Selmanaj ka treguar se kishte përjetuar dhimbje të forta dhe vështirësi në ecje, gjendje që, sipas tij, ia kishte rënduar ndjeshëm përditshmërinë.
Ai ka bërë të ditur se ndërhyrja kirurgjikale ka rezultuar e suksesshme dhe se gjendja e tij shëndetësore po përmirësohet nga dita në ditë, ndonëse e pret ende një periudhë rikuperimi.
