Drejtoria e Punës dhe Mirëqenie Sociale (DPMS) njofton se në bazë të vendimit të Qeverisë së Republikës së Kosovës janë pezulluar dhe redaktuar në afat të pacaktuar procedurat e ri-aplikimit (ripërtëritja e dokumenteve, verifikimi i gjendjes socio-ekonomike dhe raporteve mjekësore) për familjet në Skemën e Ndihmës Sociale, që nga muaji nëntori të vitit 2020 duhet t’i nënshtrohen afatit për ri-aplikim.
Po ashtu, sipas këtij vendimi, Qendrat për Punë Sociale-Sektori Ndihmave Sociale e të gjitha Komunave të Republikës së Kosovës, janë obliguar që procesin e ri-aplikimit ta zbatojnë pa prezencën e palëve, duke u bazuar në dokumentet, dosjet dhe vlerësimet e fundit nga komisionet mjekësore.
Ndërsa, kërkesat e reja për ndihmë sociale për të dy kategoritë do t’i nënshtrohen të gjitha procedurave dhe shqyrtohen sipas akteve ligjore dhe nënligjore në fuqi që rregullojnë Skemën e Ndihmës Sociale.
Vendimet për aprovimin apo refuzimin e së drejtës në ndihmë sociale për familjet e ri-aplikuara në muajin nëntor 2020, do të shpallen pas kryerjes së këtyre procedurave.