Dogana e Kosovës ka sekuestruar në pikën kufitare në Vërmicë mbi 35 mijë euro të padeklaruara.
Sipas Doganës, paratë ishin të fshehura në pjesën e brendshme të xhaketës, të ndara në pesë pjesë.
Dogana sekuestron në Vërmicë mbi 35 mijë euro të padeklaruara
“Si rezultati i kontrollit janë gjetur mjete monetare të padeklaruara në vlerë prej 35,200.00 Euro. Është vërejtur se paratë ishin të fshehura në pjesën e brendshme të xhaketës, të ndara në 5 pjesë. Për të theksuar, pala për mjete monetare nuk ka paraqitur asnjë dokumentacion lidhur me prejardhjen e tyre. Në përputhje me ligjin, është konfiskuar një shumë prej 8,800.00 Euro, që përfaqëson 25% të vlerës totale të mjeteve monetare. Pjesa tjetër e mjeteve monetare është ndaluar deri në përmbylljen e procedurave të mëtejshme”, thuhet në komunikatë.
“Ky veprim është ndërmarre në përputhje me detyrimet ligjore dhe procedurat e Kodit Doganor të Kosovës, duke dëshmuar vendosmërinë e institucionit doganor për luftën ndaj tentativave të paligjshme të transportit të mjeteve monetare në territorin e vendit”, thuhet tutje.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Punime në rrjet, KEDS tregon se ku do të ketë ndërprerje të rrymës të dielën në rajonin e Prizrenit
Sonte ndërrohet ora, akrepat shkojnë 60 minuta para
LDK në Prizren diskuton riorganizimin e strukturave dhe rritjen e përfshirjes së të rinjve
