Policia e Kosovës ka arrestuar të mërkurën në Suharekë dy të dyshuar për përleshje fizike dhe gjuajtje me armë zjarri.
Sipas njoftimit të Policisë deri te ngjarja ka ardhur si pasojë e një mosmarrëveshjeje mes një personi dhe babait të bashkëshortes së tij, ku më pas dhëndri ka nxjerrë revolen dhe ka shtënë në ajër.
Ata po ashtu janë përleshur edhe fizikisht.
Ngjarja ka ndodhur afër një pompe të derivateve në magjistralen Suharekë-Prizren.
“Patrullat policore kanë dal në vendin e ngjarjes, në vend ngjarje kanë kuptuar se pas një mosmarrëveshje që I dyshuar I parë A.B. 27 vjeçar dhe i dyshuari i dytë M. B. 54 vjeçar (babai i bashkëshortes së A.B.) situata ka eskaluar dhe të dyshuarit janë përleshur fizikisht. Në këtë rast i dyshuari i parë e ka nxjerr armën nga brezi dhe ka shtënë një herë në ajër. Ekipet përkatëse kanë dal në vendin e ngjarjes, personat e përfshirë në rast janë arrestuar”, thuhet në njoftimin e Policisë.
Sipas njoftimit, i dyshuari ka përdorur armën me leje, ndërkaq, arma me 14 fishkë është sekuestruar.