Policia e Kosovës ka dhënë detaje në lidhje me vdekjen e 40 vjeçares nga Malisheva, shkruan Gazeta Blic.Në raportin 24 orësh të Policisë thuhet se e njëjta dyshohet se është hedhur nga shkallët e ndërtesës ku banonte.Në vendin e ngjarjes kanë dalë njësitë policore dhe ekipi mjekësor i cili e ka konstatuar vdekjen e viktimës.
Njoftimi i plotë:Rr. Skënderbeu, Malishevë 02.07.2021 ─ 09:00. Viktima femër kosovare është gjetur pa shenja jete. Dyshohet se ishte hedhur nga shkallët e ndërtesës në të cilën ajo ka qenë duke banuar. Në vendin e ngjarjes kanë dalë njësitë policore dhe ekipi mjekësor i cili e ka konstatuar vdekjen e viktimës. Me urdhër të prokurorit trupi i pa jetë i viktimës dërgohet në IML për autopsi.
