Kuvendi i Kosovës në seancën e sotme ka dështuar të formojë Komisionin për Ndihmë Shtetërore që do të përbëhet nga dy anëtarë.
Por pavarësisht votimit, formimi i komisionit nuk është arritur për shkak të numri të madh të fletëvotimeve të pavlefshme.
Pas numërimit të votave deputeti i Lëvizjes Vetëvendosje, Gazmend Gjyshinca deklaroi se nuk është arritur që të zgjedhen anëtarët e këtij komisioni.
Votat për këta kandidatë në raundin e parë ishin kësisoj:
Në votim morën pjesë 78 deputetë, të vlefshme ishin 31 fletëvotime dhe të pavlefshme poashtu 31 fletëvotime.
Ndarja e këtyre votave ishte si në vijim:
Ardian Hoti- 17 vota
Fatlume Jaha-21 vota
Shkodran Manaj- 18 vota
Vlora Haziri -20 vota
“Pas konstatimit të këtij rezultati dalim në përfundim se nuk është arritur që të votohen dy anëtarët për Komisionin për Ndihmë Shtetërore”, theksoi deputeti Gjyshinca.
Klikoni KËTU për tu bërë pjesë e kanalit të TV Prizreni në Youtube.
