Përfaqësues të Kosovës dhe Serbisë ndodhen sot në Bruksel për takimin e radhës në kuadër të dialogut për normalizimin e marrëdhënieve.

Emisari evropian, Miroslav Lajçak ka takuar fillimisht zv/kryeministrin Besnik Bislimi dhe përfaqësuesin serb Petar Petkoviq.

Më pas, ka nisur takimi trepalësh, takim ky që është duke vijuar tash e tri orë, raporton Indeksonline.

Nga takimi me dyer të mbyllura nuk është bërë i ditur akoma asnjë detaj.

Mbetet të shihet nëse do të arrihet pajtueshmëri mes palëve për çështjen e dinarit.