Sekretari amerikan i Shtetit, Antony Blinken, gjatë vizitës në Shqipëri ka thënë se ndien ngrohtësi kur është në tokën e shqiponjave.
Ai ka vlerësuar Shqipërinë, për bashkëpunimin me Shtetet e Bashkuara dhe “energjinë plotngjyrëshe”.
“Mirëdita dhe ju falënderoj për një mikpritje të mrekullueshme në vendin e shqiponjave. E ndiej ambientin e ngrohtë jashtë, por e ndiej të ngrohtë dhe ambientin në këtë dhomë dhe dhomat e tjera ku isha”, ka thënë ai.
Gjatë fjalimit në “Piramidën e Tiranës”, Blinkeni ka përmendur suksesin e shqiptareve, Dua Lipa e Mira Murati.
“Ju po shihni edhe lidhjet e fuqishme mes dy vendeve tona. Amerikanë të rinj, por jo dhe shumë të rinj, po kërcejnë me Dua Lipën. Shefja e teknologjisë në Open IA është shqiptare, në New York një nga restorantet më të mirë është shqiptare. Këto nuk janë rastësi, por janë shenja që tregojnë se kapërcimin e Shqipërisë në botën e re”, ka deklaruar ai.
