Besimtarët katolikë kremtojnë sot Pashkën, një nga festat më të rëndësishme të kalendarit të krishterë, që simbolizon ringjalljen e Jezu Krishtit dhe triumfin e jetës mbi vdekjen.
Kremtimet kanë nisur që mbrëmjen e së Shtunës së Madhe, me meshën solemne që i paraprin Natës së Shenjtë të Pashkës, ku besimtarë të shumtë u mblodhën nëpër kisha për lutje, ndezjen e qirinjve dhe ceremonitë tradicionale fetare.
Mbrëmë, në Katedralen “Shën Nënë Tereza” në Prishtinë, nën drejtimin e Ipeshkvit të Ipeshkvisë së Kosovës, Imzot Dodë Gjergji, u mbajt Mesha Solemne e Pashkëve.
