Ministri në detyrë i Mbrotjes, Ejup Maqedonci, ka bërë të ditur se Belgjika zyrtarisht mirëpret atasheun e mbrojtjes së Kosovës në Bruksel.
Ai ka thënë se në këtë mënyrë bashkëpunimi bilateral ndërmjet dy shteteve po merr një hap tjetër zhvillimi, duke kontribuuar me angazhimin e trupave ushtarake të tyre në kuadër të KFOR-it.
“Lajm fantastik! Përmes një konference të përbashkët për media, së bashku me ministrin e mbrojtjes të Belgjikës, Theo Francken, bëmë të ditur që bashkëpunimi bilateral ndërmjet dy shteteve po merr një hap tjetër zhvillimi. Belgjika zyrtarisht mirëpret atasheun e mbrojtjes së Kosovës në Bruksel, ndërsa sigurisë së vendit që nga ky vit, ky shtet partner i yni, po i kontribuon me angazhimin e trupave ushtarake të tyre në kuadër të KFOR-it. Mirënjohës pafund për mbështetjen që Belgjika i ka ofruar Kosovës që nga viti 2008, ndërsa jam tejet i entuziazmuar për marrëdhëniet tona që po fillojnë të thellohen në rrugëtimin e Kosovës drejt integrimit euroatlantik. Në Ballkanin Perëndimor, Belgjika gjithmonë do të ketë Kosovën aleat të besueshëm të saj”, ka shkruar Maqedonci.
Klikoni KËTU për tu bërë pjesë e kanalit të TV Prizreni në Youtube.
