- Reklama -

BE-ja miraton kundërmasa për tarifat e SHBA-së

Bashkimi Evropian ka miratuar masat e para për t’iu kundërpërgjigjur tarifave të vendosura nga presidenti amerikan, Donald Trump. Me masat e miratuara, blloku shënjestron produktet amerikane në vlerë prej 20 miliardë eurosh përfshirë sojën, motoçikletat dhe produkte të bukurisë.

Tarifat deri në 25 për qind janë hakmarrje për tarifat e SHBA-së ndaj çelikut dhe aluminit të vendosura muajin e kaluar – ndërsa masat e Evropës ndaj tarifave të fundit, që Trump i shpalli më 2 prill, ende nuk janë ndërmarrë.

- Reklama -

“Këto kundërmasë mund të pezullohen në çdo moment, nëse SHBA-ja pranon një marrëveshje të drejtë dhe të balancuar”, tha Komisioni Evropian në një deklaratë të lëshuar pas miratimit të masave nga shtetet anëtare të BE-së.

Tarifa e re do të nisë së zbatuari më 15 prill, tha KE-ja.

“BE-ja e konsideron tarifat e SHBA-së të pajustifikueshme dhe dëmtuese, duke shkaktuar dëm ekonomik për të dyja palët, si dhe për ekonominë globale”, shtoi KE-ja.

Brukseli theksoi se dëshiron një marrëveshje që “do të ishte e balancuar dhe me përfitime reciproke”.

Trump ka vendosur gjithashtu një tarifë prej 25 për qind për importet e automjeteve nga BE-ja, dhe ka shënjestruar bllokun me tarifa reciproke prej 20 për qind që hynë në fuqi sot.

Një zëdhënës i BE-së tha përgjigja ndaj tarifave të reja të SHBA-së do të bëhet publike javën e ardhshme.

E miratuar nga 26 shtete të BE-së – Hungaria nuk votoi kundër – lista e produkteve të shënjestruara është e orientuar kryesisht drejt shteteve që udhëhiqen nga republikanët e Trumpit.

Produktet e përfshira janë produktet e pulës, mistri, frutat dhe arrat, druri, motoçikletat, plastika, tekstili, pikturat dhe pajisjet elektrike.

Burboni, që ishte në një listë të mëhershme, është hequr nga BE-ja pas presionit nga eksportuesit e mëdhenj të verërave nga Franca dhe Italia, që kanë shprehur frikën se Trumpi do të bëjë realitet kërcënimin e tij për vendosjen e një tarife prej 200 për qind ndaj pijeve evropiane.

Masat e miratuara të mërkurën nga BE-ja janë të ndara në dy pjesë.

Së pari, BE-ja do të lejojë që një sërë tarifash që datojnë nga mandati i parë i Trum-it – por që u pezulluan – të rikthehen në fuqi dhe ato do të nisin zbatimin nga e marta e ardhshme.

Hapi i dytë përfshin listën e re të produkteve që do të shënjestrohen me tarifa, shumica e të cilave do të hyjnë në fuqi muajin e ardhshëm, ndërsa disa do të realizohen në dhjetor./REL

- Reklama -
Klikoni Këtu për tu bërë pjesë e kanalit të TV Prizreni në Youtube.

Më të lexuarat

Vetaksident me fatalitet në dalje të autostradës në Prizren

Një person ka vdekur si pasojë e një vetaksidenti...

Policia jep detaje për trupin e pajetë të 26 vjecarit nga Prizreni të gjetur sot tek “Drini i bardhë”

Është gjetur pa shenja jete 26-vjeçari në Prizren, i...

Drejtori i Administratës në Prizren, Edin Shehu, i jep fund beqarisë

Edin Shehu, një nga drejtorët më të rinj të...

Dukuria e grisjes së Kuranit: Dënimi që e pret personin që e grisi Kuranin në Prizren, sipas ligjeve në Kosovë

Shkruan: Gent Gjini Në cilësinë time si avokat, angazhimi im...

Punime në rrjet, KEDS tregon se ku do të ketë ndërprerje të rrymës të premten

Kompania për Distribuimin e Energjisë Elektrike në Kosovë (KEDS)...

Të ngjajshme

isim değiştirme

- mersin escort

isim değiştirme

- mersin escort