Bashkimi Evropian ka bërë thirrje për zbardhjen e vrasjes së doganierit lituanez të EULEX-it, Audrius Šenavičius, në 13-vjetorin e vrasjes së tij në veri të Kosovës.
Šenavičius u vra më 19 shtator 2013, në rrethinën e Zveçanit, në veri të Kosovës.
Shefi i EULEX-it, Antero Lopes, ka ripërsëritur apelin për personat që mund të kenë informacione lidhur me rastin që t’i ndajnë ato me Policinë e Kosovës.
“E ripërsëris edhe njëherë apelin e EULEX-it: nëse dikush ka informacione që mund të ndihmojnë hetimet e Policisë së Kosovës, ju lutem të dilni dhe t’i ndani ato. Le ta kujtojmë Senaviciusin dhe sakrificën e tij”, ka shkruar Lopes.
EULEX-i kishte ofruar shpërblim prej 82 mijë eurosh për çdo informacion që mund të ndihmonte në identifikimin, arrestimin dhe ndëshkimin e autorit apo autorëve të vrasjes së zyrtarit lituanez.
Rasti vazhdon të mbetet i pazbardhur.
(1/3) On Saturday, I had the privilege to commemorate the 13th anniversary of the tragic death of EULEX Lithuanian Customs Officer, Audrius Šenavičius, who was killed in the line of duty on 19 September 2013. https://t.co/2BUEq8zfYy
— Antero Lopes (@EULEXHoM) September 21, 2026
Klikoni KËTU për tu bërë pjesë e kanalit të TV Prizreni në Youtube.
