Banorët e tre lagjeve në qendër të Prizrenit, nënshkruajnë peticion kundër zhurmës në Shatërvan

Përmes një njoftimi dërguar në redaksinë e TV Prizreni, banorë të tre lagjeve në qendër të Prizrenit kanë bërë të ditur se kanë nënshkruar një peticion drejtuar organeve kompetente shtetërore dhe lokale të Prizrenit, që të merren masa në ndalimin e zhurmës që po krijohet nëpër lokale të ndryshme në Shatërvan. “Ne, banorët e lagjeve Shatërvan , Nënkala dhe Panteli,
Duke e marrë parasysh gjendjen e krijuar nga lokalet në Qendrën Historike të Prizrenit, të cilat
krijojnë ndotje akustike në kundërshtim me ligjin për Qendrën Historike te Prizrenit, e
pamundësojnë që të jetohet në lagjet e lartëcekura, nga zhurma e madhe që shkaktojnë këto lokale, duke cenuar shëndetin e fëmijëve, të moshuarve si dhe qetësinë e përgjithshme publike.

Ne kemi shfrytëzuar çdo të drejte ligjore duke informuar Policinë e Kosovës, Inspektoriatin Komunal si dhe kemi mbajtur debat publik në prezencë të institucioneve të lartëcekura. Duke qenë se deri më tani institucionet përgjegjëse nuk kanë ndërmarrë asnjë masë për të zgjidhur këtë problem, ne si banorë të këtyre lagjeve, duke u bazuar në të drejtën tonë kushtetuese kemi marrë iniciativë që t’a bëjmë këtë PETICION.
Me anë të nënshkrimeve të mëposhtme, kërkojmë nga organet e lartcektura që të ndërmarrinmasa urgjente për ta zgjidhur problemin e zhurmës në Zonën Historike të Prizrenit.

Në të kundërtëjemi të detyruar që t’i radikalizojmë masat duke protestuar për të drejtën tonë kushtetuese në jetë
të lirë dhe të qetë si dhe shikojmë që të ndjekim çdo rrugë ligjore në mungesë të veprimeve adekuate.

Ky peticion do t’i dorëzohet:
• Ministrisë të Kulturës,Rinisë dhe Sportit,
• Ministrisë së Mjedisit, Planifikimit Hapësinor dhe Infrastrukturës,
• Policisë së Kosovës,
• Kuvendit Komunal në Prizren,
• Kryetarit të Komunës së Prizrenit,
• Drejtorisë së Kulturës, Rinisë dhe Sportit në Komunën e Prizrenit
• Këshillit për Trashëgimi Kulturore,
• Drejtorisë së Inspektoriatit në Komunën e Prizrenit,
• Drejtorisë së Shërbimeve Publike në Komunën e Prizrenit,
• Qendrës Rajonale për Trashëgimi Kulturore.”, thuhet në fund të këtij njoftimi.

Banorët e tre lagjeve në qendër të Prizrenit, nënshkruajnë peticion kundër zhurmës në Shatërvan

Të tjera nga rubrika

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve

Nënshkruhen kontratat, 250 studentë në Prizren përfitojnë bursa nga 700 euro