Kryetari i Suharekës, Bali Muharremaj, përmes një postimi në Facebook, ka ndarë planet e komunës së Suharekës për të moshuarit dhe avancimin e kujdesit mjekësor për gjendjen shëndetësore të tyre. Ndërkaq, tutje ai ka kërkuar nga qytetarët e kësaj komune të shprehin mendimet dhe kërkesat e tyre lidhur me këtë çështje.
“Mirëmbrëma të gjithëve! Sidomos gjysheve e gjyshërve, prindërve tanë. Pa të cilët jeta nuk është e plotë në dhe mendjet tona. Kam nevojë që ta diskutojmë sonte, e bashkë të ndajmë mendime e diskutime për një ide të re. Ju dhatë gjithçka për familjet tona. E ne, nuk do të ishim këtu pa kontributin tuaj shumë jetik, që të rritemi, të shkollohemi e të vlersojmë njëri-tjetrin në secilin moment familjar. Sot jetohet më ndryshe. Fëmijët tuaj punojnë e shumë prej tyre bashkë me nipat e mbesat tuaja ndodhen edhe jashtë vendit. Kur e diskutoj me ta këtë situatë, e kuptoj që se ata e kanë shqetsimin kryesor se si ta kaloni kohën tuaj shëndetshëm dhe në angazhim social. Sot jetojmë në rrethana tjera dhe puna po e riorganizon familjen. Duke qenë të shpërndarë brenda ditës dhe në orare të tejzgjatura, secila familje pothuajse e ka shqetësimin për ju, që mos ta ndjeni vetminë. Gjyshi dhe gjyshja në secilën familje dhe të moshuarit në përgjithësi, kanë nevojë për një njësi institucionale që ofron kujdesin primar shëndetësor e të nevojshëm. Si komunë tashmë e kemi një traditë të kujdesit me ekipe mjekësore në teren, por duam që ta avansojmë më shumë. Kam marrë ide dhe propozime të ndyshme, nga profesionistët e shumë fushave, të cilat do t’i ndaj me ju muajve në vazhdim.
