Në gjashtë operacione policore të ndara këtë javë, janë arrestuar 12 persona të dyshuar për “trafikim me njerëz”, “mundësim apo detyrim në prostitucion” dhe vepra të tjera që ndërlidhen me trafikimin, ka bërë të ditur Policia e Kosovës në një komunikatë për media të mërkurën. Sipas njoftimit, është identifikuar një viktimë e trafikimit dhe dy viktima të keqtrajtimit apo braktisjes së fëmijës.
Personat e arrestuar janë: A.Th., (viti i lindjes 1978, mashkull kosovar); A. Xh., (viti i lindjes 1997, femër kosovare); E. M., (viti i lindjes 1993, mashkull kosovar); F. H., (viti i lindjes 2000, femër kosovare); D. I., (viti i lindjes 1991, femër kosovare); J. H., (viti i lindjes 1994, femër kosovare); Sh. I., (viti i lindjes 1981, femër kosovare); Gj. G., (viti i lindjes 1993, femër kosovare); M. Th., (viti i lindjes 2000, femër kosovare); A. B., (viti i lindjes 1997, mashkull kosovar); J. J., (viti i lindjes 1991, femër kosovare) dhe Q. H., (viti i lindjes 1963, mashkull kosovar).
Gjatë këtyre operacioneve janë kontrolluar edhe tri objekte, dy prej tyre sallone masazhi dhe një shtëpi private, si prova materiale janë sekuestruar: 1 armë zjarri/revole, 3 fishekë 9 mm, 5 telefona mobilë, dokumente tjera të nevojshme që kontribuojnë në hetimin e rastit.
Policia ka thënë se operacioni policor është zhvilluar pas shkëmbimit të informatave me autoritetet e Austrisë, “ku edhe është bërë identifikimi i një viktime të moshës së mitur, e cila po trajtohet sipas Procedurave Standarde të Veprimit për personat e trafikuar”.
Nga 12 të arrestuarit 6 prej tyre u është caktuar masa e ndalimit për 48 orë.
