Dogana e Kosovës njoftoi se në pikën kufitare të Vërmicës një personi i janë kapur 28.650 euro të padeklaruara.
Në njoftimin e së martës, Dogana tha se është ndaluar një veturë me targa të Shqipërisë dhe shoferi ka deklaruar se nuk posedon asgjë.
- Reklama -
“Automjeti është dërguar në vijën e dytë të kontrollit së bashku me policin është bërë ekzaminimit fizik i automjetit. Gjatë kontrollit janë gjetur mjete monetare në vlerë prej 28.650.00 euro të padeklaruara. Mjetet monetare ishin të vendosura në çantën e brezit si dhe ne çantën e laptop-it të ndara në katër paketime”, thuhet në njoftim.
Paratë janë konfiskuar ndërsa rasti po hetohet.
- Reklama -