Inspektorati Policor i Kosovës ka bërë të ditur se ka nisur hetimet ndaj pesë eprorëve të Policisë në veri të vendit.
Lajmin e ka konfirmuar për Paparacin, zëdhënësi i këtij institucioni, Arbër Beka.
- Reklama -
Beka, deklaroi se IPK-ja në kuadër të kompetencave ligjore, është duke e shqyrtuar pjesëmarrjen e disa komandantëve serbë të Policisë në takim me presidentin serb, Aleksandar Vuçiq.
“Duke ju referuar kërkesës suaj ju njoftojmë se Inspektorati Policor i Kosovës është njoftuar zyrtarisht për këtë çështje dhe se në kuadër të kompetencave dhe autorizimeve ligjore është duke e shqyrtuar çështjen e pjesëmarrjes së eprorëve të Policisë së Kosovës në takim me Presidentin e Serbisë”, tha ai.
- Reklama -