Gjermania dhe Belgjika janë ende duke luftuar me përmbytjet katastrofike që morën 150 jetë njerëzish, dhe fati i rreth 1000 njerëzve ende nuk po dihet.
Presidenti gjerman Frank-Walter Steinmeier tha se ai ishte “shtangur” nga shkatërrimi që shkaktoi stuhinë.
Vetëm në një shtëpi pleqsh, 12 persona humbën jetën. Hidrologia Hana Kloke tha se katastrofa ishte një “dështim i sistemit epokal”, pasi paralajmërimi i përmbytjes u lëshua në kohë. Ekspertët tani paralajmërojnë se katastrofa si kjo janë pasojë e ndryshimit të klimës, raporton france24.
Een onwerkelijk beeld van #Limburg van Boven. De impact van de #wateroverlast is enorm.
Kijk voor de laatste updates over de #wateroverlast naar L1mburg Centraal op #L1 #watersnood pic.twitter.com/FzMCmkvCiA
— L1 (@L1) July 16, 2021
Autoritetet në rrethin e Rhine-Zig, në jug të Kolnit, kanë urdhëruar evakuimin e një fshati pranë rezervuarit Steinbach për shkak të rrezikut të shpërthimit të një dige. Gjithsej 4,500 njerëz u evakuuan. Ende nuk dihet se kur do të jenë në gjendje të kthehen në shtëpitë e tyre.
Inxhinierët dhe zjarrfikësit natën e kaluar nxorrën ujë nga liqeni dhe kështu ulën nivelin e ujit me rreth 2 centimetra.
“Situata është tani e qëndrueshme, por jo jo kritike”, thanë autoritetet lokale.
Banorëve që jetojnë përgjatë lumit Wupper u është thënë të largohen menjëherë nga zona.
Mijëra njerëz u larguan nga shtëpitë e tyre në jug të Hollandës pasi uji shpërtheu në argjinaturat, raporton reuters.